скч кем булыр идем



Үскәч, кем булыр идем



Зур үскәч, мин тракторчы булырга хыялланам. Машина да йөртәсем килә. Әтиемнең тракторы да, машинасы да бар. Җәй көне әти белән печән алып кайтканда минем дә трактор йөртеп караганым бар. Бик ошады бу миңа. Ватылса да, әти белән бергә рәтлибез. Мин әле тегесен, әле монысын алып биреп торам. Белмәгән әйберләрен әтиемнән сорап беләм. Кечкенә чакта белеп калган мәңге хәтердә кала, диләр. Минем дә күп беләсем, бөтенесенә өйрәнәсем килә.

Дәү үсәрмен, үзем теләгән һөнәргә өйрәнермен. Бар кешегә ярдәм итәргә тырышырмын. Яраткан әби белән бабамның бәрәңге бакчаларын сөреп бирермен. Менә шул чакта миннән дә бәхетле кеше булмас, мөгаен.

Динар Дәүләтшин,



Кукмара районы Купка башлангыч

мәктәбенең 2 нче сыйныф укучысы.








sitemap
sitemap