Бхет бит ул шундый нрс



Бәхет бит ул шундый нәрсә…

Бәхет ул нинди була икән? Аны ак була, диләр, канатлы да була , диләр. Аны кем күргән. Дәүләт эшлеклесе, шагыйрь Разил Валиев “Бәхет нәрсә соң ул?” соравына менә болай җавап биргән:

– Бәхет ул һәрвакыт алда була. Гомумән, бәхетле мизгел генә булырга мөмкин. Сагынып сөйләрлек гамәлләрең, дусларың булсын. Бәхет, оҗмах шикелле, һәрвакыт алда. Оҗмах һәрвакыт алга дәшеп тора. Ул шундый хыялый, серле бер көчтер инде. Бүген үзен бәхетле дип санаган кеше, минемчә, бәхетле түгелдер. Ул фәкать шатлык, канәгатьләнү кичерә. Бәхет ул матди хәлдә була алмый, аны тотып карап булмый. Күңел түрендәге хис, рух, халәт ул.

Бар кеше дә дөньяга бәхетле булыр өчен туа. Ләки бәхет турында мондый шигырь дә бар бит:

Бәхет бит ул шундый нәрсә,

Килми ул көткәннәргә.

Миңа кер дип ишек ачтым

Йөгерде бүтәннәргә.



Әйе… Диванга сузылып, телевизор карый-карый, көнбагыш чиртеп ятып кына бәхетле булып булмый. Аны эшләп табарга кирәк. Ә нәрсә эшләп соң? Нинди генә эштә эшләмә, ничек оста итеп башкарма, син үзең өчен генә түгел, ә башкалар, халкың өчен эшлә. Шул чагыңда гына син эшләгән хезмәтеңнән ямь табарсың. Һөнәрең белән кешеләргә булыш, аларны куандыр, шатландыр. Шул чагында гына син илебезнең бәхетле гражданины була аласың.

Ә менә җәмгыятькә файда китерү өчен миңа бүгенгесе көндә укырга да- укырга кирәк. Һәм сәләтле балалар өчен ачылган гуманитар гимназия-интернатында миңа бар шартлар да тудырылган.

Салахова Айсинә 7б класс укучысы








sitemap
sitemap