Кз тылсымы бйрм иртсе программасы



Көз тылсымы

Зал төсле яфраклар белән бизәкләнгән. Күңелле көй астында балалар залга керәләр.

А.б. Балалар, бүген безгә бәйрәм килгән.

Әйе, бүген бездз көз бәйрәме!

Яфракларны күр әле:

Алтын төчкә кергәннәр,

Бар дөньяны күмгәннәр!

Җил чыкканда шаулашалар,

Оча – оча уйнашалар,

Һавада әйләнәләр

Һәм җиргә сибеләләр.

Көз – табигатьнең иң гүзәл мизгеледер бу!

Айсылу: Оча яфрак, уйный яфрак

Һаваларда әйләнеп.

Бүген, бүген, бүген

Көзнең матур бәйрәме.

Кәрим : Көз җиттеме, бар агачлар

Алтынга манган сыман

Кызыл яфраклы чаганнар

Утларда янган сыман.

Айнур: Көз җиттеме, җир өстенә

Алтын яфрак җәелә.

Карап туеп булмый һич тә

Бу фасылның яменә.

Җыр: “Әйлән — бәйлән” Р. Миңнуллин сүз., Ф. Әбүбәкеров муз.

А.б. Балалар, кемдер бу якка килә. Тавышы ишетелә.

Яңгыр яуган тавыш ишетелә. Залга болыт йөгереп керә.

Болыт-Риаз: Мин көзге болыт булам!

Җиргә яңгыр яудырам.



Телим икән, сезне дә мин

Яңгыр белән чылатам.

А.б. : Болыт, болыт, тукта эле

Син алай шаярма әле.

Болыт : Яңгыр ява иләкләп

Яңгыр ява чиләкләп.

Тып та тып(2 тап.)

Тәрәзә шакылдатып

Шаян, нәни тамчылар

Уйнарга чакыралар

“Чыланам дип курыкма,

Зонтик ал син кулыңа.”

А.б. : Юк, без яңгырдан курыкмыйбыз. Яңгыр безгә бик кирәк. Яңгыр җиләк-җимешләрне үстерә, һаваларны сафландыра. Ләкин хәзер яңгыр туктап торсын, кояш чыксын эле.

Инсаф: Кояш, чык!

Болыт, кач!

Без уйнарбыз җылыткач!

Динислам: Кояш чык, чык, чык

Майлы ботка бирермен

Майлы ботка казанда

Тәти кашык базарда.

Барысы бергә: Кояш, чык!

Болыт, кач!

Без уйнарбыз җылыткач!

Матур көй астында залга Кояш керә.

Кояш –Зөбәрҗәт: Исәнмесез, мин килдем,

Чакыруыгызны ишеттем,

Мин кояш – алтын кояш!

Мин кояш – матур кояш!

Бар дөньяны яктыртам,

Бар дөньяны җылытам!

А.б. Сез безгә икегез дә бик кирәк. Зинһар өчен тынычланыгыз. Тату булырга кирәк. Әйдәгез бер җыр җырлап күрсәтик әле.

Җыр: “Яфрак бәйрәме” Р.Еникеев муз., Л.Лерон сүз.

А.б. Ә хэзер, балалар, уңыш бәйрәме уңаеннан, сезне иген басуына экскурсиягә чакырам. Безнең басуларда нәрсәләр үсте икән.

Арыш – Кәрим : Кар астында кыш үткәрәм.

Яшел тунымны киеп

А.б. : Менә булдырдыгыз, балалар. Менә бергә кунакка яңгырлы Болыт та, якты Кояш та килделәр. Ә безнең бәйрәмебезнең төп кунагы – Алтын Көз күренми бит әле.

Ишектән Алтын Көз килеп керә.

Алтын Көз: Исәнмесез, дусларым,



Балаларым, матурларым.

Чакырдыгыз, ишеттем.

Ашыгып килеп җиттем.

А.б. : Рәхим ит, әйдә, Алтын Көз,

Тансык кунак син безгә



Уйна, бие, күңел ач,

Ямь бир бәйрәмебезгә.

Җырлы бию “Көз килде”.

Алтын Көз : Балалар, минем сезнең белән күңелләрем күтәрелеп китте.

А.б. : Алтын Көз, безнең балалар син килешкә бик матур биюләр өйрәнделәр әле. Рәхим ит.

Бию “ Зонтиклар шаяра”.

Бию “Шалунишки”.

Гимн Барбариков.

Алтын Көз: Рәхмәт сезгә , балалар. Сез бик күп һөнәрләр өйрәнгәнсез. Мине бик куандырдыгыз.

А.б. : Рәхмәт сиңа, Алтын Көз. Икенче елга бәйрәмебезгә тагы кил. Әйдәгез, балалар, саубуллашу җыры белән Алтын көзне озатып калыйк.

Җыр “Көз”.








sitemap
sitemap