Сочинение Мама моя



Ийэм туһунан иһирэх тылынан.

Мин тапталлаах ийэм аата Евдокия Валерьевна Спиридонова.Кини«Чуораанчык» оӄо саадын иитээччитэ.Мин ийэм үс сибэкки кыыстаах : эдьиийим Сааскылаана Н.О.Кривошапкин аатынан Өймөкөөн орто оскуолатыгар 6 кылааска үчүгэйдик үөрэнэр,балтым Валя «Чуораанчык» оӄо саадын иитиллээччитэ .



Мин ийэбин олус таптыыбын,кини амарах санаата,сымнаӄас майгыта аан дойду оӄолорун иэйиитигэр болӄомтону уурар.Өрүү истиӊ кэрэ куолаһынан биһигини угуттуур.

Ийэ диэн тыл, мин санаабар, туохтааӄар да күндү ,аан дойдуга киһи бары киэн туттар тыла буолар .Өрүүтүн кинини ырыаӄа – матыыпка холбууллар.

Ийэбит күн курдук сыдьаайа сылдьара, биһиэхэ көмөлөһөрө, сүбэ биэрэрэ, нарын куолаһынан бүөбэйдиирэ, итэӄэспитигэр –быһаӄаспытыгар, ыарахан түгэммитигэр куруук көмө — ама буолара дууһабытын манньытар. Көрсүө-сэмэй майгыта миэхэ өрүү холобур буолуоӄа.

Ийэм барахсан айылӄаӄа сылдьарын олус сөбүлүүр: сайынын сибэккилээх хонууга илдьэн биһигини оонньотооччу, күһүнүн сир аһын хомуйарын сөбүлээччи, кыһынын хаарынан араас фигуралары оӊорторооччу. Саас аайы дьиэ кэргэнинэн үгэс курдук улаханныын-кыралыын «эбэбитигэр» үрэххэ балыктыы илдьээччи.

Ийэм күннэри-түүннэри түбүгүрэрин көрөммүн күндү киһибэр маннык тыллары аныахпын баӄарабын:

Кэрэттэн-кэрэни, киһини абылыыр , ис киирбэх киһим.

Нарын- намчы көстүүлээх ,эйэӄэс мичээрдээх ,

Күн курдук күндээрэ сыдьаайар ийэккээм !

Хатыламмат хартыынам, таптыыбын эйигин !

Саныыбын өрүүтүн , харыстыам куруутун!

Н.О.Кривошапкин аатынан Өймөкөөн орто оскуолатын 2 кылааһын үөрэнээччитэ Спиридонова Изольда.








sitemap
sitemap